Anschlagkasten
Title Image

Rudel Wukai

Leiterinnen

Rudel- / Meuteleiterin

Yinghua

Hallo, ich bin d`Yinghua und sitem Summer 2007 ide Pfadi. Bide Wabe Rose hani ahgfange, denn bini zude Gruppe Loi cho und nacher hani no es Jahr als Pio verbracht. Sitem Summer 2015 leit ich im Rudel Wukai und bin denebed au als Meuteleiterin tätig. Usserhalb vode Pfadi heiss ich Leoni Hertig und bin im Januar 2000 gebore. Momentan gan ich id FMS im Rycheberg. I minere Freizit tanzi sehr viel und gan jede Samshtig mit Vorfreud id Pfadi. Ich los gern Musig und wenn no Ziit blibt, unternimi gern öbis mit mine Fründe. Ich freu mich witerhin uf unvergesslichi und luschtigi Pfadimoment.

Rudelleiterin

Pitschi

Hoi zäme! Ich bin d Pitschi, usserhalb vode Pfadi nennt mer mich au Muriel Blum. Im Herbst 2008 han ich mit de Pfadi agfange, bin zerst ide Wabe Lilie und spöter bide Loie gsi. Sitt Pfingste 2017 bin ich jetzt ide Meute Balu und leite s Rudel Wukai. Nebed de Pfadi gan ich ad Kantonsschuel Im Lee, spiele Gitarre, lise und undernimme gern Sache mit Fründe. Im Moment bin ich aber grad für es Jahr im Ustusch in Medellín, z Kolumbie. Im Summer 2019 wird ich wieder zruggcho und ich freu mich jetzt scho uf e tolli Zuekunft bide Pfadi Escheberg!

Rudelleiterin

Nandu

Hoi zäme, ich bin d‘ Nandu und bin sit 2011 ide Pfadi. Ich han agfange ide Wabe Lilie, bin denn zude Gruppe Tiger überträtte und han denn no ungefähr 2 Jahr ide Pios verbracht. Ich leite sitem Summer 2018 im Rudel Wukai.

Usserhalb vode Pfadi heissi Julia Ochsner und bin im Juni 2002 gebore. Im Moment gang ich is Rycheberg, mitem neusprachliche Profil Spanisch- Englisch. I minere Freizit gangi is Theater, tuen mich gern sportlich betätige und gang natürli id Pfadi.

Ich freu mich sehr, dassich ide Meute Balu dörf leite und freue mich uf die tolli Ziit ide Pfadi!

Rudelleiterin

Kiuwa

Hallo zeme, ich bin d'Kiuwa und bin im Dezember 02 uf d'Welt cho. Usserhalb vo de Pfadi heissi Lea Diethelm. Momentan bini grad i de Uusbildig zur Pharma-Assistentin. Nebed de Pfadi gahni no in Turnverein, tuen gern lässe oder unternimm öppis mit mine Fründe. Am allerbeste i de Pfadi gfallt mir s'dreckle und s'Schlangebrot am Lagerfüür brätle. D'Highlights sind aber immerno alli oberhammermegakhule Lager wo ich scho sit em 2011 regelmäsig han derfe miterlebe. Ich han im Früehlig 2019 aagfange mit em Leite im Rudel Wukai und freu mich uf wiiteri unvergesslichi Pfadiabendtüür.

Rudelleiterin

Yakari

Hier kommt dein Leitertext hin 🙂