Anschlagkasten
Title Image

Rudel Mogli

Leiterinnen

Rudelleiterin

Nounou

Ich bin d'Nounou und leite jetzt sitem Summer 2015 ide Meute Balu. Agfange mitde Pfadi han ich im 2008 im Volk Lotos und han nachher zude Gruppe Loi gwechslet. Nebed de Pfadi nennt mer mich Lea Kappeler. Ich mach im Moment eh Usbildig als Pharma-Assistentin in Züri. I minere Freizit gahn ich no in Dameturnverein und duen gern öppis mit mine Fründe unterneh. Ich freu mich uf vieli witeri und mega spannendi Pfadierlebness da im Rudel Mogli.

Rudel-/Meuteleiterin

Mirlo

Hallo, ich bin d Mirlo und bin sit em Summer 2008 i de Pfadi. Zersch bin ich i de Wabe Lilie gsi und nacher i de Gruppe Adler, sit em Summer 2015 leite ich selber im Rudel Mogli und sit em Summer 2017 bin ich au no Meuteleiterin vo de Meute Balu. Usserhalb vo de Pfadi heiss ich Lilian Fraefel und tue gern tanze, turne, lese oder öppis mit Fründe unterneh. Ich bin im Summer 2000 gebore und gang im Moment id Kantonsschuel Rychenberg. Ich freu mich uf ganz vill wiiteri, unvergesslichi Moment i de Pfadi.

Rudelleiterin

Tiuri

Hey, ich bin d'Tiuri und bin sit em Jahr 2009 i de Pfadi. Selber bin ich zerscht i de Wabe Rose denn bi de Gruppe Adler gsii bis ich zletscht no 2 Jahr i de Pios gsii bin. Usserhalb vo de Pfadi heissi Helen Michel, bin 2003 geboore und gaa i di 3 Sek. I minere Freizeit spiel ich usserhalb vo de Schuel Tennis und Querflöte. Ich hoffe ich wird no es paar tolli Jahr da bi de meute Balu verbringe und freu mi uf jede wiiteri samschtig.

Rudelleiterin

Soley

Hoi zäme, ich bin d`Soley und sit em Summer 2011 mit voller Begeisterig i de Pfadi. Zerst bin ich i de Wabe Rose gsi, bin denn zu de Gruppe Adler übertrette und han den no eis Jahr bi de Pios chöne gnüsse. D`Highlights für mich i de Pfadi sind immer s`Schlangebrot brätle am Füür, d`Singsongs am Abig und natürli d`Nachtüebige. Usserhalb vo de Pfadi heissi Kim Diethelm und bin im Mai 2005 gebore. Nebed de Pfadi gahn ich id Sek im Büelwiese, spiel Volleyball, liess gern und bin im Turnverrein. Ich freu mich sehr uf di tolli Ziit und die unvergessliche Abentüür wo ich därf im Rudel Mogli als Leiterin erlebe.