Anschlagkasten
Title Image

Rudel Hathi

Leiterinnen

Rudel-/Meuteleiterin

Lanu

Hoi zeme, ich bin d’Lanu. Sit aafangs 2009 bin ich i de Pfadi Eschenberg. Zerst bide Wabe Lilie und später i de Gruppe Adler. Jetzt bin ich sit em Summer 2015 selber Leiterin, sit em Summer 2017 im Rudel Hathi. Wenn ich nöd grad i de Pfadi tätig bin, heiss ich Rahel Meier, spiele Klavier, gang oft go Velo fahre im Wald und unternimm gern öpis mit Fründe. Gebore bin ich am 1. Januar 2000 und bsueche momentan i de Kantonsschuel im Lee s’ Mathematisch-Naturwissenschaftliche Profil. Mir gfallts sehr guet i de Meute Balu und ich freue mich uf wiiteri aufregendi Samstignamitäg und Lager.

Rudelleiterin

Thaleia

Hoi. Ich bin d' Thaleia. Sit em 2011 bin ich voller Begeischterig i de Pfadi mit debii. Nach vielne Jahr als Chnopf freui ich mich jetzt sehr uf mini Ufgab als Leiterin im Rudel Hathi. Üebige plane, Spieli usdenke, füürle, singe, koche, lache und no viiel meh, macht mir viiel Freuid und Spass. S'allerbescht vom Jahr sind natürli d'Pfadilager!
Usserhalb vo de Pfadi heiss ich Anouk Dubs. Im April 2003 bin ich uf d'Welt cho. Momentan mach ich ä Lehr als Orthopädistin. Zu mine Hobbys ghört no dezu, dass ich im Verein Trampolin springe. Im Winter düsi gern mit mim Snowboard Pischte derab. Und bsunders gärn unternimm ich öppis mit Fründe.

Rudelleiterin

Pandai

Hoi zeme, ich bin d Pandai und bin Endi September 2004 gebore. Ich ga sit 2012 id Pfadi, zerscht bi de Biendli i de Wabe Lillie, nachher i de Pfadi bi de Gruppe Adler.
Nach eim Jahr i de Pios bin ich im Herbst 2019 bi de Meute Balu, Rudel Hathi go leite. Nebe de Pfadi heisse ich Rhea Oderbolz und ga sit 2017 is Gymi, zerscht is Rychenberg und nacher im Lee. Ussert de Pfadi tuen ich Bogeschüsse, Riite und spiele Kontrabass.

Rudelleiterin

Tikki

Hoi zeme, ich bin d Tikki und gang sit em 2006i id Pfadi Escheberg. Ich han bi de Fünkli agfange, bin denn id Wolfstufe cho und han nach vier Jahr i de Pfadistufe eis Jahr bi de Pios verbracht. Mit de Lanu und de Japavi leit ich sit em Summer 17 im Rudel Hathi. Wenn ich nöd i de Pfadi bin, spil ich sehr gern Theater, Badminton und mach öppis mit Fründe. Ich bin im Februar 03 uf d Welt cho und heisse Juliette Radvila. Momentan bin ich i de erste Klass vom Wirtschaftsgymi.

Rudelleiterin

Smartie

Hier kommt dein Leitertext 🙂