Meuteruf Balu

Mir wend oises Beschte tue,
zeme gemmer niemals Rueh.
Bi Wind und Wetter dusse si,
mir sind immer voll debi!
Fürle, helfe, lache, tanze,
mir kenned alli Tier und Pflanze!
Mitenand, fürenand
Meute Balu!
 
 

Meuteleiterin

Die Meuteleiterin koordiniert die Zusammenarbeit zwischen den Rudeln Hathi, Wukai und Mogli. Zudem ist sie die Ansprechpersonen für die Rudelleiterinnen.

Leoni Hertig / Yinghua

Hallo, ich bin d`Yinghua und sitem Summer 2007 ide Pfadi. Bide Wabe Rose hani ahgfange, denn bini zude Gruppe Loi cho und nacher hani no es Jahr als Pio verbracht. Sitem Summer 2015 leit ich im Rudel Wukai und bin denebed au als Meuteleiterin tätig. Usserhalb vode Pfadi heiss ich Leoni Hertig und bin im Januar 2000 gebore. Momentan gan ich id FMS im Rycheberg. I minere Freizit tanzi sehr viel und gan jede Samshtig mit Vorfreud id Pfadi. Ich los gern Musig und wenn no Ziit blibt, unternimi gern öbis mit mine Fründe. Ich freu mich witerhin uf unvergesslichi und luschtigi Pfadimoment.

Lilian Fraefel / Mirlo

Hallo, ich bin d Mirlo und bin sit em Summer 2008 i de Pfadi. Zersch bin ich i de Wabe Lilie gsi und nacher i de Gruppe Adler, sit em Summer 2015 leite ich selber im Rudel Mogli und sit em Summer 2017 bin ich au no Meuteleiterin vo de Meute Balu. Usserhalb vo de Pfadi heiss ich Lilian Fraefel und tue gern tanze, turne, lese oder öppis mit Fründe unterneh. Ich bin im Summer 2000 gebore und gang im Moment id Kantonsschuel Rychenberg. Ich freu mich uf ganz vill wiiteri, unvergesslichi Moment i de Pfadi.