Elin Arnet / Sneschinka

Ich bi d’Sneschinka und sitm 2017 Leiterin vo de neue Roverstufe. Im 2003 binich als Chnopf zu de Pfadi Escheberg cho, später den Pfadi-, Trupp- und denn Piostufeleiterin xsi. Ich verbinde sehr viel mit de Pfadi und bin froh über alli Erfahrige wonich han chene mache – die nützed mir nemli au hüt na sehr viel, z.B. im mim Bruef als Primarlehrerin.

Nebet de Pfadi heissich Elin Arnet und mache vor allem viel Sport und bin gern i de Natur, bsunders i de Berge.

 

Mara Keitel / Maimu

Ich bin d'Maimu und bin sit em Früehlig 2006 bi de Pfadi Escheberg debi. 3 Jahr spöter bin ich denn Pfadileiterin worde ide Gruppe Adler und sit em Summer 2015 hend d'Orenda und ich d'Stufeleitig vo de Piostufe Eschenberg/ Bubenberg überno. Well ich am liebste under vill Lüüt bin, bedüted min Name Chlammeräffli.

Usserhalb vo de Pfadi kennt mer mich als Mara Keitel. Im Summer 2015 han ich d'Matur a de Kantonsschuel Büelrain gmacht. Nacheme erlebnisriiche Zwüschejahr hani a de PH Züri s'Studium zur Seklehrerin aafgange. I minre Freiiziit bin ich am liebste sehr aktiv, gahn a Konzert, mache selber Musig, bin am Reise oder gnüss d'Zit mit mine Fründe dihei.

Pascale Müller / Jiminy

Ich bi d'Jiminy und bin sitem Früehlig 2006 ide Pfadi. Uf de Pfadiname bini tauft worde, willi so fröhlich, ufgstellt, ehrlich und hilfsbereit seg, gnau wie d'Grille vom Pinocchio. Nachere lange Ziit als Rudel-, spöter Meuteleiterin ide Meute Balu, bin ich jetzt ide Abteiligsleitig. Ade Sämstige bini jewils no bide Fünkli Hotzeplotz ahztreffe oder plane grad öpis fürd Roverstufe Escheberg. Ich froi mi uf wiiteri spassigi und interessanti Pfadijahr! Usserhalb vo de Pfadi kennt mer mich als Pascale Müller. Sit em Herbst 2016 studier ich Psychologie und Erziehigswüsseschafte ade Uni Züri. I minere Freiziit tueni gern singe, lache, schwümme, mach öppis mit Fründe, bin im Grüene oder natürli ide Pfadi.

Nadja Stemmle / Minx

Hallo, ich bin d Minx. Ich bin sit ich sibni bin i de Pfadi und sit em Winter 2010 mit grosser Freud Leiterin bi de Meute Balu wonich drü Jahr später teil vo de Meuteleitig worde bin. Sit em Winter 2016 leit ich auno bi de Fünkli Wunibald i de Gruppe Baluga, was mir au mega gfallt! Usserhalb vo de Pfadi bin ich d Nadja Stemmle und bin im Dezember 1996 uf d Welt cho. Wenn ich grad nid anere Üebig bin, eini tuen vorbereite oder es Lager plan, denn tuen ich gern Sache mit mine Fründe unterneh, Gige spiele, schwümme und d Welt entdecke. Nach mim Zwüschejahr freu ich mich jetzt uf mis Jus- Studium a de Uni Züri und bsunders druf, wieder voll debi z si i de Pfadi und uf vieli witeri Pfadierlebnis!

Startseite
  • Infos
  • Leiter Roverstufe